Sociazion de mùsega

Mùsega Auta Fascia

Gei ite

La Mùsega Auta Fascia

La Mùsega Auta Fascia l é la mùsega de la Val de sora, che la tol ite i comuns de Ciampedel, Cianacei e Mazin, te la provinzia de Trent.
L inom l é ladin, descheche l é ence i paijes da olache vegn i musizisć; chesta l é l’ultima mùsega metuda su te la 5 valèdes ladines, te chest raion dintornvia l Sela l é adertura 18 museghes.

Metuda su acà pec egn, la Mùsega, l’à volù ge dèr na responeta a n besegn che vegnia fora semper de più te chisc paijes. Se dant, per emparèr a sonèr n strument, se cognea jir utrò e se fèr ence mingol de strèda, e se sà che se spostèr sa mont no l é semper coscita sorì soraldut d’invern, ades l é possibol aer i ensegnanc de mùsega apede cèsa. Chest à dat l met de smendrèr cosć e dejèjes, coscita da tor ite tel ciamp de la musega muie de joegn che fazile dant no i aessa nience pissà de sonèr n strument.

Dut chest de gra a n Diretif ascort e atif, che dèsc gaissa e didament a duc chi che vif chest percors straordenèr, e soraldut ence ai Comuns de Mazin, Ciampedel e Cianacei, che finanziea de garat chesta sociazon, e che ge recognosc na pèrt fondamentèla per l’educazion e la formazion culturèla de la joena generazions.
Scrita ite tel Register de la Sociazions de Promozion Sozièla col numer: 462 sezion a) – cultura
Adempimenc aldò de la Lege 124/2007 con publicazion di contribuc publics

L guant

L guant de la Mùsega Auta Fascia l é stat fat aldò de n guant che vegnia durà te Fascia jà da la metà del 1700.

Co se doventel pa n musicont?

La Mùsega Auta Fascia, co la colaborazion de la Scola de Mùsega “Il Pentagramma” e co la Federazion de la Museghes de la Provinzia Autonoma de Trent, la met dant corsc per emparèr a sonèr n strument e doventèr membres de la mùsega.
L percors de formazion l é tant per bec che per jent grana e l à l obietif de soscedèr l gust de sonèr adum, e soraldut de fèr cognoscer cheche vel dir fèr pèrt de na mùsega.
L percors de formazion l à na regnèda anter i 6 e i 8 egn, e l é metù ensema da desvalives corsc de un an (da de setember fin de jugn). De zenza, l prum an se fèsc demò formazion musicala (45 menuc en setemèna),

a chela che ge vegn jontà ite la lezions de strument (30 menuc en setemèna) e cheles per sonèr adum (1 ora en setemèna) dal secondo an inant.
Te chesta fasa l arlief l pel se miorèr tant a sonèr da soul che a sonèr dessema ai etres. Penamai che vegn arjont n livel che permet de jir a sonèr co la mùsega, la proes col grop de la mùsega les tol l post del laboratorie per sonèr adum.
I strumenc de la Mùsega l é: Clarinet, corn, bombardin, fagot, flaut, flicorn, oboe, percuscions, saxofon, tombreta, trombon, bas.
De zenza se pel portèr dant la domanes de enscinuazion ti meisc de mé e de jugn. Vèrdege a nesc canai social per aer duc i agiornamenc!

La Val de sora

La Val de sora l é l raion più a nord de la Provinzia de Trent. La vedudes che se pel mirèr te chisc lesc les é segur fora de anter e i monc che l é chiò i é cognosciui te dut l mond. La Marmolèda, Saslonch, Ciadenac l é i spic de la Dolomites che fèsc da cornisc a chesta val da mont: na marevea che no n’é una compagna.

Da semper lech olache vif l popul ladin, la tol ite i Comuns de Cianacei, Ciampedel e Mazin. Chesta picola viles da mont les à fat na gran fortuna de gra al turism, che l à abù n gran sbunf a la fin del XX centené.

Autra neves e retrac da la Val de Fascia: FassaNews.com
Duc i hotel de la Val de Fascia: Fassahotel.com

Mùsega Auta Fascia
Sociazion de mùsega de la Val de sora
APS

Codice fiscale 91014810229

Partita Iva 02061650228

Piaz Guglielmo Marconi 5
38032 Cianacei (Trent)

c/o Mazzel Francesco
fonin cell. 333 6470149

info@musegaautafascia.it
info@pec.musegaautafascia.it